Ongundu ya Ulenga ya sindana okupewa otyeke

M OMAANDAHA goshiwike shika, omupresidende gwoCoD, Ben Ulenga okwa pewa otyeke yoondola/N$300 000 okuzilila kEpangelo konima sho a ningi omatilitho kutya ota ka pula Ompangu yi gandje elombwelo okuthiminika Omunashipundi gwOparliamende a kale a gandja otyeke yoshimaliwa shoka ndjoka yi na okuza aluhe kEpangelo.

Amushanga gwOparliamende Nama Goabab okwa lombwele The Namibian mOmaandaha kutya ombelewa ye oya gandja otyeke ndjoka kaanaveta ya Ulenga ongula yOmaandaha. “Ashike otwa uvithwa nayi sho oCoD inayi eta po natango omukalo gwa nkene tayi ka kandulapo omukundu gwoshimaliwa pokati kiilyo yayo itano mbyoka yi li natango mOparliamende,” ta popi ngaaka.Goabab okwa tindi okukomenda ngele otyeke ndjoka oya gandjwa nelalakano lyokuyanda elombwelo lyOmpangu nenge aawe.Ongundu yoCoD oya topoka miitopolwa iyali okuza mu mei nuumvo sha zi pOkongresa ndjoka ya li poKeetmanshoop – okuza mpoka, Ulenga okwa li a tidha mo mongundu iilyo itatu yomiilyo yawo itano mOparliamende.Iilyo mbyoka tayi kondjitha iizemo yomahogololo gopoKeetmanshoop nosho wo okuhogololwa kwa Ulenga oya yi kOmpangu noya sindana mpoka kutya otayi kala manga mOmparliamende ngaashi ya kala.Mu Septemba, Ompangu oya li ya undulile oshipotha shika ku Januali 2008, ashike oya popi kutya Ulenga na ethe manga iilyo mbyoka yi li mOparliamende, nayi tsikile nokulonga iilonga yawo yopapolitika ngaashi shito sigo okesiku ndyoka oshipotha shika tashi ka pongololwa.Oongundu dhopapolitika ndhoka dha kalelwa po mOparliamende ohadhi pewa oshimaliwa shi kwatelela kiipundi mbyoka dhi na mOparliamende.Otyeke yotango ontshona ohayi gwandjwa komwedhi nelalakano lyokuungaunga niilonga yombelewa yopaati momatungo goparliamende, omanga otyeke onkwawo yo ondoka hayi gandjwa konima yoomwedhi ndatu kehe.Otyeke ndjika ohayi gandjwa nelalakano lyokulongithwa miikwaniilongitho yilwe yopaati.Pokat mpoka, Ominista yUuyuuki na Hahende-Ndjayi Pendukeni Iivula-Ithana okwa yelithile The Namibian kutya omayele gopaveta ngoka agandja moshinima shika, okwe ga pe ombelewa yOmunashipundi gwOparliamende, ihe inega pa ongundu yoCoD.Moshifo shetu shOmaandaha moshinyolwa osho tuu shika, omwa li epuko tali popi kutya CoD okwa pewa omayele gopaveta okuzilila ku Hahende-Ndjayi gwEpangelo.”Ihartu gandja omayele gopaveta koongundu dhopapolitika,” Iivula-Ithana ta popi ngaaka.”Ashike otwa uvithwa nayi sho oCoD inayi eta po natango omukalo gwa nkene tayi ka kandulapo omukundu gwoshimaliwa pokati kiilyo yayo itano mbyoka yi li natango mOparliamende,” ta popi ngaaka.Goabab okwa tindi okukomenda ngele otyeke ndjoka oya gandjwa nelalakano lyokuyanda elombwelo lyOmpangu nenge aawe.Ongundu yoCoD oya topoka miitopolwa iyali okuza mu mei nuumvo sha zi pOkongresa ndjoka ya li poKeetmanshoop – okuza mpoka, Ulenga okwa li a tidha mo mongundu iilyo itatu yomiilyo yawo itano mOparliamende.Iilyo mbyoka tayi kondjitha iizemo yomahogololo gopoKeetmanshoop nosho wo okuhogololwa kwa Ulenga oya yi kOmpangu noya sindana mpoka kutya otayi kala manga mOmparliamende ngaashi ya kala.Mu Septemba, Ompangu oya li ya undulile oshipotha shika ku Januali 2008, ashike oya popi kutya Ulenga na ethe manga iilyo mbyoka yi li mOparliamende, nayi tsikile nokulonga iilonga yawo yopapolitika ngaashi shito sigo okesiku ndyoka oshipotha shika tashi ka pongololwa.Oongundu dhopapolitika ndhoka dha kalelwa po mOparliamende ohadhi pewa oshimaliwa shi kwatelela kiipundi mbyoka dhi na mOparliamende.Otyeke yotango ontshona ohayi gwandjwa komwedhi nelalakano lyokuungaunga niilonga yombelewa yopaati momatungo goparliamende, omanga otyeke onkwawo yo ondoka hayi gandjwa konima yoomwedhi ndatu kehe.Otyeke ndjika ohayi gandjwa nelalakano lyokulongithwa miikwaniilongitho yilwe yopaati.Pokat mpoka, Ominista yUuyuuki na Hahende-Ndjayi Pendukeni Iivula-Ithana okwa yelithile The Namibian kutya omayele gopaveta ngoka agandja moshinima shika, okwe ga pe ombelewa yOmunashipundi gwOparliamende, ihe inega pa ongundu yoCoD.Moshifo shetu shOmaandaha moshinyolwa osho tuu shika, omwa li epuko tali popi kutya CoD okwa pewa omayele gopaveta okuzilila ku Hahende-Ndjayi gwEpangelo.”Ihartu gandja omayele gopaveta koongundu dhopapolitika,” Iivula-Ithana ta popi ngaaka.