OMOLU okukelela omukithi gwomalaria mokati koshigwana, unene tuu kuumbangalantu, Christofina Nantinda gwomOluno mOndangwa mOshana, ye nomusamane gwe, Lameg Nantinda, oya mona po oolamba dhokudhipaga oomwe notaya kumike oshigwana shi kwatathane nayo opo shi ilandele oolamba ndhoka dha simana konkalonawa yoshigwana, unene kaanona. Nantinda ta ti, olamba ndjoka, hayi longo noonte dhetango, ohayi hili oomwe adhihe,okuuka kolamba hoka notadhi dhipagwa komuti gwoomwe gu li kolamba hoka.
Nantinda, ngoka ta ti ota monika kongodhi yonomola 0814091275, oku na wo uushina wokuudhitha oongodhi dhopeke, ha wu longo noonte dhetango.Ongeshefa ndjika oya li ya ulike iilandithomwa ya yo pomauliko giipindi pOndangwa oshiwike sha zi ko, mpoka ominista yopevi yIipindi nOmipepo, Tjekero Tweya a li a kumike aaNamibia, komikunda yi ilandele iikwamalusheno mbika yetango.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
