Oongoloneya voitopolwahoololo imwe ova hala epangelo li xulife po oshinima osho la tula po shokuhalandela vali ovanambelewa vepangelo omahauto nosho yo li ya mbule po oimaliwa yomalweendo oyo hai pewa ovanambelewa vepangelo ngee tava i momalweendo.
Oshinima eshi ove shi lombwela okomitiye yopaliamente oyo i na sha noyeendifo, omatungo nosho yo omaumbo oshivike sha dja ko.
Exulife po eli, kwa li la etwa po kupelesidente mukulu Hage Geingob momudo 2020 ongomukalo wokuxwepopeka elongifo loshimaliwa shepangelo, okwa li la kelela okulandela ovanapolitika novanambelewa vepangelo omahauto.
Ominista yoilonga noyeendifo John Mutorwa Oshoondaxa oya yelaka kutya oshinima eshi, sha teelelika shikwishe modula tai ya, osha kelela ashike okulandela ovanambelewa vakula vepangelo ngaashi eeminista nosho yo ovapedu minista omahauto oludi limwe.
“Enyenyeto eli otali kala ashike la yuka ngee tali di kovanhu ovo (ovanambelewa vepangelo vakula) ndee eeshivifo okwa li la ningwa kupelesidente mukulu, onghee nee otu na okuteelela fiyo otali kwishi,” Osho a ti ngaho.
Mutorwa okwa ti eshiivifo lopambelewa lomudo 2020 okwa li la ningwa opo kushonopekwe oshimaliwa osho hashi longifwa moyeendifo nokutwa omukumo ovanambelewa vepangelo va longife eetuwa okudja mongalashe yepangelo, oyo i li tai filwa oshisho koministili yoilonga noyeendifo.
Ashike nee, nande opu na oshinima shi li ngaha, okomitiye oya ti oministili yoshimaliwa oye i lombwela kutya exulifepo inali kwatela mo oyeendifo oyo tai vatele mokuyandja omayakulo epangelo eli pamufika.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
