Oonkondo dholusheno poRuacana tadhi gwedhelwa

E TULOKO lyoshitayi oshitine mokukwathela eshina enene lyokupomba olusheno pOsasiona yolusheno poRuacana, olya pewa eyambidhidho lyoshimaliwa oshinene – sho NamPower a zimine okugandja oomiliyuna omathele gatatu nomilongo ntano (N$350 million) opo iilonga yi longwe.

Oshitaasi sha Ruacana osha tholomwa tashi vulu okukala niitayi ine, ashike iitayi owala itatu oyo yatulwa ko, na oyo owala hayi longo pethimbo ndika. Oshitayi shoka oshitine otashi ka pomba olusheno lwo 80MW talu ka gwedhwa ko 240MW ndhoka hadhi zi mOshitaasi shoka pethimbo ndika.Oshitaasi sha Ruacana ohashi matukithwa komeya gomulonga gwa Kunene payambidhidho lyOndama ya Gove ndjoka yi li meni lya Angola.Omukuluntuwiliki gwa NamPower Paulinus Shilamba okwa popi mEtitatu lyoshiwike shika kutya iilongitho yilwe yoshitayi shoka oshitine, oya li nale ya tulwa ko, kakele owala kiikwamashina niikwamalusheno oyo ya li inayi tulwa ko.”Sho ompumbwe yolusheno tayi indjipala mu Namibia nosho wo moshitopolwa, okwa li kwa ningwa omakonakono ku talike ngele oshitayi oshitine otashi vulu okutulwa miilonga,” ta popi ngaaka.Ta ti omakonakono ngoka oga ulike nee ngeyi kutya oshinima shoka sha halika otashi vulu okuningwa.Shika osho nee sha eta Olaata yi ninge etokolo kutya naku longithwe oshimaliwa shoomiliyuna ndhoka 350 (N$350 million).NamPower okwa tameka nale noonkundathana dhoku ulika omwiindjinia ngoka ta ka kwathela mokutulakumwe ootendela nosho wo okutonatela iilonga yoshitayi shika sigo tayi pu.Shilamba ta ti oya hala oshitayi shoka shi ka tameke iilonga momumvo 2010.Oshitayi shoka oshitine otashi ka pomba olusheno lwo 80MW talu ka gwedhwa ko 240MW ndhoka hadhi zi mOshitaasi shoka pethimbo ndika.Oshitaasi sha Ruacana ohashi matukithwa komeya gomulonga gwa Kunene payambidhidho lyOndama ya Gove ndjoka yi li meni lya Angola.Omukuluntuwiliki gwa NamPower Paulinus Shilamba okwa popi mEtitatu lyoshiwike shika kutya iilongitho yilwe yoshitayi shoka oshitine, oya li nale ya tulwa ko, kakele owala kiikwamashina niikwamalusheno oyo ya li inayi tulwa ko.”Sho ompumbwe yolusheno tayi indjipala mu Namibia nosho wo moshitopolwa, okwa li kwa ningwa omakonakono ku talike ngele oshitayi oshitine otashi vulu okutulwa miilonga,” ta popi ngaaka.Ta ti omakonakono ngoka oga ulike nee ngeyi kutya oshinima shoka sha halika otashi vulu okuningwa.Shika osho nee sha eta Olaata yi ninge etokolo kutya naku longithwe oshimaliwa shoomiliyuna ndhoka 350 (N$350 million).NamPower okwa tameka nale noonkundathana dhoku ulika omwiindjinia ngoka ta ka kwathela mokutulakumwe ootendela nosho wo okutonatela iilonga yoshitayi shika sigo tayi pu. Shilamba ta ti oya hala oshitayi shoka shi ka tameke iilonga momumvo 2010.