OPOLIFI yoshitopolwahoololo shaZambezi natango oi li molukongo lovanadolongo ve li 10 vomovanadolongo ve li 13 ovo ve li vaka modolongo yoshitaashi shopolifi shedina Manias Brian Libuto.
Oshinima eshi osha ningwa konima ovanadolongo va dule opolifi eenghono Oshoondaxa.
Ovanadolongo vatatu okwa li va mangwa po natango divadiva, mwa kwatelwa Omunamibia umwe nOvazambia vavali, eshi okwa li va tamekwa okukongwa.
Omukulunhu wopolifi woshitopolwahoololo komufala Andreas Shilelo okwa lombwela oThe Namibian Etitatu kutya natango okwa li tava kongo Ovazambia ve li omuwoi nOmuangola umwe ovo ve livaka po lwopotundi 17h00, pefimbo olo kwa li tava pewa oikulya.
Natango ohatu kongo ovanadolongo ovo inava kwatwa notwa konga evatelo kovanailongo pamwe nashe vaZambia naAngola,” Osho a ti ngaho.
Omadina avo oo nee Matuso Thomas, Siyanga Nakweti, Muyunda Shadricks, Muyunda Mushe, John Mwelwa, Kaumba Kumba, Taezo Kine, Joe Mubone, Mwenda Muyunda naLusho Ketano.
“Keshe omunhu e na ouyelele kombinga yaavo inava kwatwa natango na dengele opolifi i li popei.
Oshiwana inashi kendabala nande okukwata po ovafeekelwa shoovene,” Shilelo osho a ti ngaho
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
