Osheetwapo shuukwamuhoko sha ekelwahi

I ITOPOLWA ngashi Ohangwena, Omusati, Oshana nOshikoto otayi ka mona owala oopelesenda 27 momulekeneno gwomayambulepo, nando nee oopelesenda omilongo hamano (60%) dhAanamibia omo tadhi adhika miitopolwa moka.

Iitopolwa mbyoka ine oyo wo yi na omwaalu gwAanamibia oyendji mboka yaa na iilonga moshilongo, shika osha li sha tulwa puuyelele kolopota yomakonakono ngoka ga ningwa po kUuministeli wAaniilonga. Oositatistika ndhika odha li dha tulwa puuyelele mOmutumba gwOpashigwana oshiwike sha zi ko kOminista yUuhaku nOnkalonawa Richard Kamwi, pethimbo ndyoka Kamwi okwa ekelehi omapopyo goDTA kutya uukwamuhoko owa londa miikondo yEpangelo.Pethimbo a tula poshitaafula osheetwapo she shoka a hala sha kundathanwa, oshilyo shoDTA McHenry Venaani okwa popi kutya ookakukutu komatanga mEtanga lyEgameno, mEtanga lyOmomeya nomEtenga lyomombepo oya za momuhoko gumwe; Omulongo nagulwe yomookomanda omulongo nayatatu oya za momuhoko gumwe; Oopelesenda dhi li 86 dhOpolisi odha za momuhoko gumwe; aakalelipo ya Namibia miilongo yopondje ye li 16 yomaantu ye li 22 oya za momuhoko gumwe; oopelesenda dhi li 89 dhOohamushanga aakuluntu oya za momuhoko gumwe.Venaani okwa gwedha po kutya oopelesenda 84 dhoshimaliwa shokwiilongitha shoka hashi gandjwa kEpangelo odha kala nokupewa omuhoko gumwe okuza ngaa momumvo 1992, omanga wo omuhoko gumwe tagu dhana onkandangala miikondo yEpangelo.Ta tsikile ngeyi kutya oopelesenda 95 dhaantu mboka taya kondolola ookampani dhEpangelo oya za momuhoko gumwe.Kamwi okwa ti kutya osheetwapo sha Venaani okwe shi hogolola, ano e li olwaamambinga.Kamwi ta ti kutya Venaani ina kwatelamo iinima yilwe ngashi kutya omuhoko ngoka ta popi ogwo tagu dhana onkandangala ngele tashi ya paantu mboka yaa na iilonga notaya adhika momapandaanda ya tegelela owala okupewa iilonga yesiku.Ta ti okwa henuka wo oshili ndjoka yi li po kutya omuhoko ngoka ogwo wo gwa li tagu dhana onkandangala mo People’s Liberation Army of Namibia (Plan) pethimbo lyekondjelomanguluko nekondjitho lyEpangel lyokatongotongo lya South Afrika.Ta ti mboka ya li ookakukutu komatanga oya li AaSouth Afrika mboka ya shuna kaandjawo konima yiita.Kamwi okwa ti kutya kashi shi shoshili kutya omayambulepo agehe oguuka owala kOnooli, nEpangelo ka li na mo sha kombinga yookampani ndhoka dha ka tunga kOnooli.Kamwi okwa yambidhidhwa kOminista yOohi nOOnzo dhomefuta Abraham Iyambo.Ta ti kutya oshinima shika osha ningwa nelalakano okwiimonena omawi paikengelela.”Ngele ontoka oya ponokele mEgumbo muka osha nika oshiponga,” Iyambo ta londodha ngaaka.Oositatistika ndhika odha li dha tulwa puuyelele mOmutumba gwOpashigwana oshiwike sha zi ko kOminista yUuhaku nOnkalonawa Richard Kamwi, pethimbo ndyoka Kamwi okwa ekelehi omapopyo goDTA kutya uukwamuhoko owa londa miikondo yEpangelo.Pethimbo a tula poshitaafula osheetwapo she shoka a hala sha kundathanwa, oshilyo shoDTA McHenry Venaani okwa popi kutya ookakukutu komatanga mEtanga lyEgameno, mEtanga lyOmomeya nomEtenga lyomombepo oya za momuhoko gumwe; Omulongo nagulwe yomookomanda omulongo nayatatu oya za momuhoko gumwe; Oopelesenda dhi li 86 dhOpolisi odha za momuhoko gumwe; aakalelipo ya Namibia miilongo yopondje ye li 16 yomaantu ye li 22 oya za momuhoko gumwe; oopelesenda dhi li 89 dhOohamushanga aakuluntu oya za momuhoko gumwe.Venaani okwa gwedha po kutya oopelesenda 84 dhoshimaliwa shokwiilongitha shoka hashi gandjwa kEpangelo odha kala nokupewa omuhoko gumwe okuza ngaa momumvo 1992, omanga wo omuhoko gumwe tagu dhana onkandangala miikondo yEpangelo.Ta tsikile ngeyi kutya oopelesenda 95 dhaantu mboka taya kondolola ookampani dhEpangelo oya za momuhoko gumwe.Kamwi okwa ti kutya osheetwapo sha Venaani okwe shi hogolola, ano e li olwaamambinga.Kamwi ta ti kutya Venaani ina kwatelamo iinima yilwe ngashi kutya omuhoko ngoka ta popi ogwo tagu dhana onkandangala ngele tashi ya paantu mboka yaa na iilonga notaya adhika momapandaanda ya tegelela owala okupewa iilonga yesiku.Ta ti okwa henuka wo oshili ndjoka yi li po kutya omuhoko ngoka ogwo wo gwa li tagu dhana onkandangala mo People’s Liberation Army of Namibia (Plan) pethimbo lyekondjelomanguluko nekondjitho lyEpangel lyokatongotongo lya South Afrika.Ta ti mboka ya li ookakukutu komatanga oya li AaSouth Afrika mboka ya shuna kaandjawo konima yiita.Kamwi okwa ti kutya kashi shi shoshili kutya omayambulepo agehe oguuka owala kOnooli, nEpangelo ka li na mo sha kombinga yookampani ndhoka dha ka tunga kOnooli.Kamwi okwa yambidhidhwa kOminista yOohi nOOnzo dhomefuta Abraham Iyambo.Ta ti kutya oshinima shika osha ningwa nelalakano okwiimonena omawi paikengelela.”Ngele ontoka oya ponokele mEgumbo muka osha nika oshiponga,” Iyambo ta londodha ngaaka.