Otashi vulika obooloha ya Dirk yi kuthwe po

O MUKULUNTUWILIKI gwaDirk Friut, Shamil Dirk, ngoka a li a pewa obooloha yoondola/N$100 000 moshipotha shekorapto, okuli moshiponga shokudhitikwa natango konima sho a ndopa okugwanitha po omaukwatya ge na sha nobooloha ye.

Otaku fekelwa ngeyi kutya omunamimvo 33 Dirk ngoka ofamili ye oyo mwene gwokampani yedhina Dirk Fruit ndjoka hayi kutha wo iilandithimwa yimwe pondje yoshilongo, okwa kambadhala okwiidhopa momakonakono gOkomisi yokukondjitha uulingilingi nekorapto nenge tutye Anti- Corruption Commission kombinga yoshipotha she. Dirk okwa holoka mOmpangu ya Mengestrata oshikando oshitiyali mEtitano lya zi ko sha landula sho a li a dhitikwa momasiku 12 gaJuni.Pethimbo a holoka mOmpangu ya Mengestrata mEtitano lya zi ko poNoordoewer, Omutamaneki Barry Mufana okwa ningi eindilo ku Mengestrata M Dube kutya obooloha ya Dirk nayi kuthwe po molwashoka okwa ndopa okwiiyutha komaukwatya ngoka ga tulwa po mobooloha ye.Sho a holoka mOmopangu ya Mengestrata po Noordoewer okwa gwedhwa ku Stephanus Owoseb ngoka ta tamanekelwa oshipotha shokutaamba oombumbo okuza petameko lya Januali nuumvo.Otaku popiwa kutya Owoseb ngoka e li omunambelewa gwoshikondo shOkastoma pomweelo gwokoongamba gwa Noordoewer, okwa tula mondjato okapandi koondola dhi li poondola/N$700 000 muule womumvo gumwe opo a ekelehi oofooloma dhi na sha niietwamo ya Dirk yopaunangeshefa mbyoka ya eta moshilongo.Shika osha li sha ningwa nelalakano opo Dirk kaa futile iinima ye mbyoka okupitila poongamba mpoka ngaashi osho hashi ningwa.Otaku popiwa ngeyi kutya Owoseb okwa pewa ombumbo ku Dirk Fruit okupitila moakaunta yomonamati.Omukonakoni gwiipotha gwa ACC Inspekta Phelem Masule okwa gandja uumbangi mEtitano olya zi ko kutya Dirk okupitila mu Phillip Awaala ngoka a li nale ha longele mu ACC okwa kambadhala okuninga oonkundathana na amushanga poombelewa dha ACC opo a yakemo oondokumende ndhoka tadhi pumbiwa unene momakona goshipotha sha Dirk.Awaala ngoka wo a gandja uumbangi mOmpangu mEtitano lya zi ko, okwa popi kutya Dirk okwa li a ningi ekwatathano naye oshiwike sha zi ko nokumupula ngele okushi omuntu gwontumba mombelewa ya ACC ngoka ta vulu okuyaka mo oondokumende dhi na sha nomatumo giinima pondje – ndhoka tadhi longithwa moshipotha shoka ta tamanekelwa.Dirk okwa li a mangulukwa kobooloha nokupewa a kale hi ilopota poombelewa dha ACC luitatu moshiwike.Okwa pewa wo kutya na kale a gandja oondukumende dhe komukonakoni gwoshipotha she, ina ninga nando omaindilo goondokumende oompe dhomalweendo omanga e li pondje kobooloha.Oshikwawo, Dirk ke na okuthiga po oshitopolwa sha Venduka, na ini idhopa nando omomakonakono ge na sha noshipotha she.Eindilo lyokukutha po obooloha ya Dirk olya kalekwa sigo onena , omanga Dirk na Owoseba taya ka holoka pamwe mOmpangu momasiku 15 Aguste 2007.Ayehe Owoseb na Dirk oye li pondje kobooloha.Dirk ota tamanekwa kohi yokatendo okati 38 (b) koveta yoACC yomumvo 2003.Okatendo hoka, oke na sha noombumbo dhaanambelewa aakuluntu moshigwana.Oshi li epogolo enene okugandja ombumbo nenge okudhenga omuntu okati koonyala opo u nwethemo iilonga yomuntu ngoka yopambelewa.Omuntu kehe ya ka monika ondjo kohi yokatendo hoka, ota ka pewa egeelo lyokufuta ombuta sigo opoondola/N$500 000 nenge okukala konima yekumba oomvula 25 nenge a pewe omageelo agehe.Kombinga yofamili ya Dirk, edhitiko lya Shamil Dirk olya tameke nokuungaunga niikwaveta mbyoka tayi tsikile.Konima owala yomasiku gahamano sho Dirk a dhitikwa, omumwayinakadhona Najwa Petersen gwomimvo 45 okwa li wo a dhitikilwa mu Cape Town moshipotha shedhipago.Ota tamanekelwa okukonga omalandwambongo ngoka ga dhipaga omusamane gwe Taliep Petersen ngoka a dhipagelwa pegumbo lyawo mu Cape Town momasiku 16 Desemba omumvo gwa zi ko.Nakusa Petersen okwa li omudhengingalo a simana mu South Afrika.Petersen okwa li a dhipagwa pegumbo lyawo konima sho a mangwa e ta yahwa mekothi.Aalumentu yatatu mboka taya tamanekelwa edhipago lya Petersen palombwelo lyomuselekadhi gwa nakusa, oya li wo ya dhitikilwa mu Cape Town moshiwike shoka Dirk a dhitikwa mu Namibia.Meme Petersen natango okuli konima yekumba.Dirk okwa holoka mOmpangu ya Mengestrata oshikando oshitiyali mEtitano lya zi ko sha landula sho a li a dhitikwa momasiku 12 gaJuni.Pethimbo a holoka mOmpangu ya Mengestrata mEtitano lya zi ko poNoordoewer, Omutamaneki Barry Mufana okwa ningi eindilo ku Mengestrata M Dube kutya obooloha ya Dirk nayi kuthwe po molwashoka okwa ndopa okwiiyutha komaukwatya ngoka ga tulwa po mobooloha ye.Sho a holoka mOmopangu ya Mengestrata po Noordoewer okwa gwedhwa ku Stephanus Owoseb ngoka ta tamanekelwa oshipotha shokutaamba oombumbo okuza petameko lya Januali nuumvo.Otaku popiwa kutya Owoseb ngoka e li omunambelewa gwoshikondo shOkastoma pomweelo gwokoongamba gwa Noordoewer, okwa tula mondjato okapandi koondola dhi li poondola/N$700 000 muule womumvo gumwe opo a ekelehi oofooloma dhi na sha niietwamo ya Dirk yopaunangeshefa mbyoka ya eta moshilongo.Shika osha li sha ningwa nelalakano opo Dirk kaa futile iinima ye mbyoka okupitila poongamba mpoka ngaashi osho hashi ningwa.Otaku popiwa ngeyi kutya Owoseb okwa pewa ombumbo ku Dirk Fruit okupitila moakaunta yomonamati.Omukonakoni gwiipotha gwa ACC Inspekta Phelem Masule okwa gandja uumbangi mEtitano olya zi ko kutya Dirk okupitila mu Phillip Awaala ngoka a li nale ha longele mu ACC okwa kambadhala okuninga oonkundathana na amushanga poombelewa dha ACC opo a yakemo oondokumende ndhoka tadhi pumbiwa unene momakona goshipotha sha Dirk.Awaala ngoka wo a gandja uumbangi mOmpangu mEtitano lya zi ko, okwa popi kutya Dirk okwa li a ningi ekwatathano naye oshiwike sha zi ko nokumupula ngele okushi omuntu gwontumba mombelewa ya ACC ngoka ta vulu okuyaka mo oondokumende dhi na sha nomatumo giinima pondje – ndhoka tadhi longithwa moshipotha shoka ta tamanekelwa.Dirk okwa li a mangulukwa kobooloha nokupewa a kale hi ilopota poombelewa dha ACC luitatu moshiwike.Okwa pewa wo kutya na kale a gandja oondukumende dhe komukonakoni gwoshipotha she, ina ninga nando omaindilo goondokumende oompe dhomalweendo omanga e li pondje kobooloha.Oshikwawo, Dirk ke na okuthiga po oshitopolwa sha Venduka, na ini idhopa nando omomakonakono ge na sha noshipotha she.Eindilo lyokukutha po obooloha ya Dirk olya kalekwa sigo onena , omanga Dirk na Owoseba taya ka holoka pamwe mOmpangu momasiku 15 Aguste 2007.Ayehe Owoseb na Dirk oye li pondje kobooloha.Dirk ota tamanekwa kohi yokatendo okati 38 (b) koveta yoACC yomumvo 2003.Okatendo hoka, oke na sha noombumbo dhaanambelewa aakuluntu moshigwana.Oshi li epogolo enene okugandja ombumbo nenge okudhenga omuntu okati koonyala opo u nwethemo iilonga yomuntu ngoka yopambelewa.Omuntu kehe ya ka monika ondjo kohi yokatendo hoka, ota ka pewa egeelo lyokufuta ombuta sigo opoondola/N$500 000 nenge okukala konima yekumba oomvula 25 nenge a pewe omageelo agehe.Kombinga yofamili ya Dirk, edhitiko lya Shamil Dirk olya tameke nokuungaunga niikwaveta mbyoka tayi tsikile.Konima owala yomasiku gahamano sho Dirk a dhitikwa, omumwayinakadhona Najwa Petersen gwomimvo 45 okwa li wo a dhitikilwa mu Cape Town moshipotha shedhipago.Ota tamanekelwa okukonga omalandwambongo ngoka ga dhipaga omusamane gwe Taliep Petersen ngoka a dhipagelwa pegumbo lyawo mu Cape Town momasiku 16 Desemba omumvo gwa zi ko.Nakusa Petersen okwa li omudhengingalo a simana mu South Afrika.Petersen okwa li a dhipagwa pegumbo lyawo konima sho a mangwa e ta yahwa mekothi.Aalumentu yatatu mboka taya tamanekelwa edhipago lya Petersen palombwelo lyomuselekadhi gwa nakusa, oya li wo ya dhitikilwa mu Cape Town moshiwike shoka Dirk a dhitikwa mu Namibia.Meme Petersen natango okuli konima yekumba.