Otashi vulika pu Ramatex ya ninge ekanka

E KALEKO lyoshogingi shoka sha li shi na okuningwa pokati ka Ramatex nehangano lyaaniilonga lya Namibian Food and Allied Workers Union (Nafau) otashi vulika li ete ekanka kaaniilonga mOfaabulika ndjoka muule womasiku omashona tage ya.

Oshigongi shoka osha li sha kalekwa mEtiyali lyoshiwike shika. Nafau okwa li a popi mEtiyali kutya okwa li a manitha omalongekidho goonkundathana nOfaabulika yAamalysia ndjoka ya kala nokukondjithila moonkundathana dhi na sha negwedhelo lyoondjambi nosho wo nomauwanawa galwe gaaniilonga mOfaabulika ndjika.Otaku hokololwa ngeyi kutya aakalelipo ya Nafau oya thiki pehala lyoshigongi kwalaata noominute omilongo mbali mpoka opo pwa li pu na okukundathanwa iinima mbyoka.Pethimbo owala sho ya thiki pehala mpoka, Amushanga-Ndjayi gwa Nafau Kiros Sackarias okwa tseyithilwa kEwilikongundu lya Ramatex kutya molwashoka oya laata, oshigongi osha kalekwa noonkundathana kadhi ko we.Ewilikongundu lya Ramatex aniwa olya ningile wo ehangano lya Nafau omatilitho gokupata Ofaabulika ndjika mOvenduka, Sackarias ta lombwele The Namibian ngaaka mEtiyali.Oshinima shika osha ningitha nee Nafau a ninge oshigongi shomeendelelo naaniilonga mOfaabulika ndjika mboka e ya tseyithile kombinga yoonkatu mpoka ya thikama kombinga yOfaabulika ndjoka ye ya kuta miilonga.Oshigongi shika osha li sha ningwa pethimbo lyomwiha.”Oshinima shika oshombiliha,” Sackarias ta popi ngaaka kombinga ya Ramatex sho a kaleke oshigongi na Nafau.”Otwa hala okumona iilyo yetu, molwashoka omukalo ngoka Ramatex ta longo nago itagu opalele.”Ehangano lya Nafau olya ningi ethaneko kutya aaniilonga naya ninge ehogololo ngele nakuningwe ekanka, Sackarias ta popi ngaaka.Ta ti aaniilonga oya li owala ya tegelela elombwelo okuza kombelewa ye kutya nakuningwe ngiini.Ta ti ombelewa ye oya hala manga okutseyithila Ewilikongundu lya Ramatex kombinga yonkatu ndjoka tayi ka katukwapo moshinima shika.Okumona kutya onkalo oyu uka peni otashi ka yela owala okukathika pehulilo lyoshiwike shika, Sackarias ta popi ngaaka.”Ngele oya ningi etokolo lyokupata ofaabulika yawo, nashi kale ngaaka.Ashike itatu kala owala twa tala ko omanga taya thipi aantu yetu ombinzi.”Otwa kambadhala okulonga nuundiplomaate sigo oponkatu mpoka iilyo yetu ya kanitha nokuli einekelo mutse etayi tameke nokuli okutu tuka.”Epangelo nalyo olya fa owala lya nyengwa okumona ekandulepomukundu moshinima shika.Okampani ndjika oya tameke momumvo 2001, ihe ngashiingeyi otu uka momumvo 2007 pwaana shoka sha ningwa po,” Sackarias ta popi ngaaka.Ta ti oshinima sha Nafau osha li sha kundathanwa pethimbo lyOkongresa ya Nafau ya zi ko nokwa ningwa etokolo okudhika oonyala mevi kombinga yonkampani ndjika.Aaniilonga ya Ramatex oya kanitha einekelo mehangano lyawo – oshinima shoka sha gwitha pevi omwaalu gwiilyo yawo okuza pomayovi gahamano (6 000) sigo opiilyo 1 200 sigo nokuli opiilyo 1 000, Sackarias ta zimine ngaaka.Menindjela gwakwalukehe mu Ramatex, BK Ong okwa koleke wo kutya oya kaleke oshigongi molwashoka aakalelipo ya Nafau oya thiki poshigongi kwa laata, ashike okwa ekelehi omapopyo kutya oya tumbula epato lyOfaabulika ndjika mOvenduka.Omathimbo gamwe ohaya kala yi ipyakidhila.Nantse ohatu kala wo twi ipyakidhila.Otu na owala okutulululapo esiku lyoshigongi,” Ong ta lombwele ngaaka The Namibian.Ta gwedhapo ngeyi kutya omathimbo ga zi ko, iigongi ohayi kalekwa paindilo lya Nafau.Omanga aaniilonga taya kondjele egwedhelo lyoondjambi dhawo ndhoka ya hala dhi ndambulwe pamagwedhelo ngoka taya pula, ewilikongundu ndika olya kala nokunyenyeta ngeyi kutya okampani ihayi longo iilonga yi thike mpoka ya nuninwa nenge tutye mpoka ya thanekelwa.Pamagwedhelo ngoka ga halika kaaniilonga, oyendji oye li poondola/N$3 sigo oondola/N$4 mowili.Ashike moonkatu dha yooloka, okampani oya ningi omatilitho gokuthigapo oshilongo.Kuyele nuumvo, okampani ndjika oya li ya gandja elombwelo kEpangelo li lande po okampani nenge li konge ngoka ta vulu okuyi landa po.Pehala lyokuninga ngaaka, Epangelo olya gandja ethaneko lyokweeta omalunduluko mokampani ndjika opo yi vule okugwanitha po iilonga mbyoka tayi tegelelwa.Nafau okwa li a popi mEtiyali kutya okwa li a manitha omalongekidho goonkundathana nOfaabulika yAamalysia ndjoka ya kala nokukondjithila moonkundathana dhi na sha negwedhelo lyoondjambi nosho wo nomauwanawa galwe gaaniilonga mOfaabulika ndjika.Otaku hokololwa ngeyi kutya aakalelipo ya Nafau oya thiki pehala lyoshigongi kwalaata noominute omilongo mbali mpoka opo pwa li pu na okukundathanwa iinima mbyoka.Pethimbo owala sho ya thiki pehala mpoka, Amushanga-Ndjayi gwa Nafau Kiros Sackarias okwa tseyithilwa kEwilikongundu lya Ramatex kutya molwashoka oya laata, oshigongi osha kalekwa noonkundathana kadhi ko we.Ewilikongundu lya Ramatex aniwa olya ningile wo ehangano lya Nafau omatilitho gokupata Ofaabulika ndjika mOvenduka, Sackarias ta lombwele The Namibian ngaaka mEtiyali.Oshinima shika osha ningitha nee Nafau a ninge oshigongi shomeendelelo naaniilonga mOfaabulika ndjika mboka e ya tseyithile kombinga yoonkatu mpoka ya thikama kombinga yOfaabulika ndjoka ye ya kuta miilonga.Oshigongi shika osha li sha ningwa pethimbo lyomwiha.”Oshinima shika oshombiliha,” Sackarias ta popi ngaaka kombinga ya Ramatex sho a kaleke oshigongi na Nafau.”Otwa hala okumona iilyo yetu, molwashoka omukalo ngoka Ramatex ta longo nago itagu opalele.”Ehangano lya Nafau olya ningi ethaneko kutya aaniilonga naya ninge ehogololo ngele nakuningwe ekanka, Sackarias ta popi ngaaka.Ta ti aaniilonga oya li owala ya tegelela elombwelo okuza kombelewa ye kutya nakuningwe ngiini.Ta ti ombelewa ye oya hala manga okutseyithila Ewilikongundu lya Ramatex kombinga yonkatu ndjoka tayi ka katukwapo moshinima shika.Okumona kutya onkalo oyu uka peni otashi ka yela owala okukathika pehulilo lyoshiwike shika, Sackarias ta popi ngaaka.”Ngele oya ningi etokolo lyokupata ofaabulika yawo, nashi kale ngaaka.Ashike itatu kala owala twa tala ko omanga taya thipi aantu yetu ombinzi.”Otwa kambadhala okulonga nuundiplomaate sigo oponkatu mpoka iilyo yetu ya kanitha nokuli einekelo mutse etayi tameke nokuli okutu tuka.”Epangelo nalyo olya fa owala lya nyengwa okumona ekandulepomukundu moshinima shika.Okampani ndjika oya tameke momumvo 2001, ihe ngashiingeyi otu uka momumvo 2007 pwaana shoka sha ningwa po,” Sackarias ta popi ngaaka.Ta ti oshinima sha Nafau osha li sha kundathanwa pethimbo lyOkongresa ya Nafau ya zi ko nokwa ningwa etokolo okudhika oonyala mevi kombinga yonkampani ndjika.Aaniilonga ya Ramatex oya kanitha einekelo mehangano lyawo – oshinima shoka sha gwitha pevi omwaalu gwiilyo yawo okuza pomayovi gahamano (6 000) sigo opiilyo 1 200 sigo nokuli opiilyo 1 000, Sackarias ta zimine ngaaka.Menindjela gwakwalukehe mu Ramatex, BK Ong okwa koleke wo kutya oya kaleke oshigongi molwashoka aakalelipo ya Nafau oya thiki poshigongi kwa laata, ashike okwa ekelehi omapopyo kutya oya tumbula epato lyOfaabulika ndjika mOvenduka.Omathimbo gamwe ohaya kala yi ipyakidhila.Nantse ohatu kala wo twi ipyakidhila.Otu na owala okutulululapo esiku lyoshigongi,” Ong ta lombwele ngaaka The Namibian.Ta gwedhapo ngeyi kutya omathimbo ga zi ko, iigongi ohayi kalekwa paindilo lya Nafau.Omanga aaniilonga taya kondjele egwedhelo lyoondjambi dhawo ndhoka ya hala dhi ndambulwe pamagwedhelo ngoka taya pula, ewilikongundu ndika olya kala nokunyenyeta ngeyi kutya okampani ihayi longo iilonga yi thike mpoka ya nuninwa nenge tutye mpoka ya thanekelwa. Pamagwedhelo ngoka ga halika kaaniilonga, oyendji oye li poondola/N$3 sigo oondola/N$4 mowili.Ashike moonkatu dha yooloka, okampani oya ningi omatilitho gokuthigapo oshilongo.Kuyele nuumvo, okampani ndjika oya li ya gandja elombwelo kEpangelo li lande po okampani nenge li konge ngoka ta vulu okuyi landa po.Pehala lyokuninga ngaaka, Epangelo olya gandja ethaneko lyokweeta omalunduluko mokampani ndjika opo yi vule okugwanitha po iilonga mbyoka tayi tegelelwa.