Ouhamba wAukwanyama otau nangala mu Novemba neudo

O NGHUNDANA ye tu dilila mElelo lOpamufiululwakalo lAukwanyama mOhangwena mOshitopolwa sha Hangwena otai ti kutya Ouhamba wAukwanyama, hano Eumbo lOhamba yAukwanyama olo la kala efimbo lile tali tungwa mOmedi mOukwanyama oli li pokupwa nOhamba yAukwanyama, tatekulu Kornelius Mwetupunga Shelungu, oo a kala keumbo laye kOneheke kOkalongo mOshitopowla sha Musati, okwa teelelwa nee a kanangale mOuhamba waye mOmedi omo meti 12 Novemba 2005.

Eshivifo eli otwe li pewa kOmupopiliko wElelo lAukwanyama Elenga Michael Haita. Tate Heita ta ti kutya oshinima shetungo lOuhamba wAukwanyama osha kwata ngaa nee efimbo lile novanhu vahapu kave shi kutya natango Ouhamba wAukwanyama inau pwa kutungwa nOhamba inai nangala natango mOmedi.Paife nee, tate Heita ta twikile ko, Ouhamba ou li lela pokupwa okutungwa nOhamba yAukwanyama, oyo paife ili kOneheke kOkalongo, otayi dulu nee okuya yi nangale mOuhamba wayo mOmedi mOukwanyama.Okomitiye oyo tayi ungaunga neshununo lOuhamba mOukwanyama, oya mona kutya omalongekido ayeshe okwapwa, Ouhamba ou li lela pokupwa okutungwa, noya tokola nee kutya Ouhamba wAukwanyama wu kanangale meti 12 Novemba 2005.Tate Heita ota indile nee koshiwana, unene tuu shAukwanyama shi tameke nokuyandja omaano e na sha noshivilonangalo shOuhamba wAukwanyama, osheeshi kenangalo oko okwa teelelwa ovaenda vahapu va fimana noshowo nee oshiwana ashishe shAukwanyama.Onghee nee, Okomitiye yEpendulepo lOuhamba mOukwanyama kumwe naai tai longekida oshivilo eshi, otai indile lela nemanemo enene koshiwana ashishe, unene tuu eshi shomOukwanyama, shi yandje po sha shomupondo, ngashi eehove daondoka, oikombo, eedi, eehuhwa nosho tuu, vo oomeme tava longekida edungo lomalodu oilya, eendjove, omakaka, oingali, omaufila omahangu nooilyavala nosho tuu nosho tuu.”Oshivilo otashi ka kala sha kula neenghono noshiwana ashishe nashi yambidide naashi shi na po opo oshivilo eshi sha fimana shenangeko lOuhamba shi ende nawa noshi tyapulwe yo nawa kwaaveshe ava tava ka kala opo.”Tate Heita ta ti ngaho nokuweda po ta yandje onomola yongodi yaye kutya oyo 0811299691, kwaau wa hala natango ouyelele wa wedwa po.Tate Heita ta ti kutya oshinima shetungo lOuhamba wAukwanyama osha kwata ngaa nee efimbo lile novanhu vahapu kave shi kutya natango Ouhamba wAukwanyama inau pwa kutungwa nOhamba inai nangala natango mOmedi.Paife nee, tate Heita ta twikile ko, Ouhamba ou li lela pokupwa okutungwa nOhamba yAukwanyama, oyo paife ili kOneheke kOkalongo, otayi dulu nee okuya yi nangale mOuhamba wayo mOmedi mOukwanyama.Okomitiye oyo tayi ungaunga neshununo lOuhamba mOukwanyama, oya mona kutya omalongekido ayeshe okwapwa, Ouhamba ou li lela pokupwa okutungwa, noya tokola nee kutya Ouhamba wAukwanyama wu kanangale meti 12 Novemba 2005.Tate Heita ota indile nee koshiwana, unene tuu shAukwanyama shi tameke nokuyandja omaano e na sha noshivilonangalo shOuhamba wAukwanyama, osheeshi kenangalo oko okwa teelelwa ovaenda vahapu va fimana noshowo nee oshiwana ashishe shAukwanyama.Onghee nee, Okomitiye yEpendulepo lOuhamba mOukwanyama kumwe naai tai longekida oshivilo eshi, otai indile lela nemanemo enene koshiwana ashishe, unene tuu eshi shomOukwanyama, shi yandje po sha shomupondo, ngashi eehove daondoka, oikombo, eedi, eehuhwa nosho tuu, vo oomeme tava longekida edungo lomalodu oilya, eendjove, omakaka, oingali, omaufila omahangu nooilyavala nosho tuu nosho tuu.”Oshivilo otashi ka kala sha kula neenghono noshiwana ashishe nashi yambidide naashi shi na po opo oshivilo eshi sha fimana shenangeko lOuhamba shi ende nawa noshi tyapulwe yo nawa kwaaveshe ava tava ka kala opo.”Tate Heita ta ti ngaho nokuweda po ta yandje onomola yongodi yaye kutya oyo 0811299691, kwaau wa hala natango ouyelele wa wedwa po.