Ovalandifi vahapu ovo hava landifile koshi yonopa poWernhil Park Flea Market mOvenduka ova taalela okutewaatewa ngee inava futa eendjo davo kelelodoolopa laVenduka moule womafiku aheyali.
Omupopiliko wokakomisi kovalandifi ava, oo ina hala okupopiwa kedina shaashi okwa tila a ningilwe omatilifo, okwa ti omadina ovanhu ovo va kumwa koshinima eshi okwa yandjwa nale kehangano lokwoongela eengunga ledina RedForce Debt Management.
Omupopiliko okwa ti ovalandifi ove na eengunga dohiila yavo.
“Ovalandifi okwa li va tokola opo vaha fute ohiila yavo oule weedula nhee da pita shaashi omalandifilo aa oku na ondilo e dulife akwao mOvenduka,” Omupopiliko osho a ti ngaho.
Okwa ti vali oRedForce oya yandja omafiku e li aheyali kovalandifi opo va kale va futa eepelesenda 45 deengunga davo ile ngee hasho otava tewaatewa mo.
Omupopiliko welelodoolopa laVenduka Lydia Amutenya Etine loshivike sha dja ko okwa li a udaneka kutya ota dulu ashike okunyamukula koshinima eshi mEtitano loshivike sha dja ko.
Ovalandifi ova ti, muni ita dulu okukala a teelela va fute eengunga davo shaashi inava kala nawa natango okudja ngaa moKolona.
Omulandifi umwe oo e na mo okatala, okwa ti okwa teelelwa a fute ovanailonga vaye, a lande olusheno ndee ta futu oiniwe yovanhu yamuni okudja moshimaliwa shi fike poN$5 000 osho ha mono komwedi.
“Lipula ashike mokatala aka kashona aka, otu na okufuta oshimaliwa shi fike poN$3 000 komwedi. Kwa wedwa olusheno lange mwene.”
Omulandifi okwa ti muni ita dulu okulongifa omwoongeli weengunga omanga ina yandja omayakulo opamufika kovalandifi.
“Eshi okwa li hatu ningi omalongekido ounduda ava, ove tu lombwela kutya ove na ovatonateli vomaliko, ove na ovawapaleki, ashike kapu na ovawapaleki apa. Ohatu wapaleke fyeevene. Ngaashi u shi wete, ondoloma yoimbodi oi hadi oimbodi. Otu na okufuta omunhu umwe opo e uye a kufe po oimbodi oyo,” Osho a ti ngaho.
Omulandifi umwe okwa ti natango ina kala nawa konima yoKolona oyo ya eta eengunga daye di ye pombada.
Okwa ti koshi yonopa kakuwa shaashi ovalandi ohava i komalandifilo amwe.
“Omafimbo amwe, nande oivike ivali, ihandi landifa sha. Ngee ou na elao, oto landifa sha.”
Omulandifi umwe okwa ti ovalandi ovo hava mono ovo vo ashike hava i koubesha ovo ve li konima yonopa.
“Ashike ovanhu ovo ihava lande. Otava i ashike kuubesha. Ohatu mono oixuna. Oto lipula kutya ohatu mono po ingapi apa?”
Okwa ti okutula ohiila yavo pombada kwamuni okwa fininika ovalandifi vamwe opo va ka konge omauwa peenhele dimwe.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
