Simanekeni oompango, Muni gwa Venduka ta lombwele aahingi yOotaxi

ELELO lyOshilando sha Venduka olya ganeke omunwe aahingi yOotaxi mOshilando kutya omaihumbatonayi gawo ngashi ngoka ga ningwa kaahingi yOotaxi yamwe, mboka ya li ya boloka oondjila dhimwe oonene mOmaandaha goshiwike sha zi ko – otaga ka tsakanekwa nondhimbo onene.

Pamushangwa gu na iitya ya kindja ngoka Muni a pititha omasiku ngaka, okuboloka nokuthiga ohauto nenge iihauto mondjila yoshigwana oshi li ekaulonyanga. “Etsikilo lyomaihumbatonayi ga yamwe yomaahingi yOotaxi mOshilandopangelo, itali ki idhidhimikilwa,” omugandjimulombo gwa Muni gwa Venduka Ndangi Katoma, osho a popi ngaaka momushangwa nguka.Ta ti, eboloko lyoondjila oli indikwa kOveta yElongitho lyOondjila nOndalasipota/Road Transport and Transport Act.Katoma okwa ti ngele aahingi yOotaxi oye na uuthigu wontumba ya hala oku popya, oye na okulandula omilandu dhi li nawa ndhoka dhi li po.”Shika osho kehe omukwashigwana a putuka moshilongo shi na uundemokoli ngashi Namibia e na okuninga, mwa kwatelwa wo aahingi yOtaxi,” Katoma ta popi.Omunashipundi gwOkomitiye yehangano lyOombesa nOotaxi mu Namibia/Namibia Bus and Taxi Association (Nabta) Magnus Nangombe, okwa ti Nabta ota tsu kumwe naashoka tashi popiwa ku Muni.Ta ti, kapu na omuntu e na uuthemba okuboloka ondjila hayi longithwa kaaniihauto ayehe.Kepulo kutya Nabta ota ka ninga Okongresa ye uunake mpoka tapu ka hogololwa iilyo yElelo lyehangano ndika, Nangombe okwa ti shika otashi ka tseyithwa ashike ngele ya mono omayamukulo komaindilo gawo ngoka ya gandjele mOmaandaha goshiwike sha zi ko kOmalelo goondoolopa gi ili nogi ili moshilongo.Konima nee yehololomadhiladhilo lyaahingi yOotaxi mOvenduka, aahingi yOotaxi yamwe (mboka Nabta ta popi kutya kaya li po nopehololomadhiladhilo), oya ka boloka ishewe oondjila hetatu mOshilando, inaya hala yakwawo mboka ya li taya longo ya ninge ngaaka.Nande ongaaka, Nangombe okwa ti aantu mbaka aapiyaganeki ashike molwashoka, pethimbo yakwawo ye li kehololomadhiladhilo, yo oya li taya longo.Osha li sha uvathanwa ngeyi kutya mOlinga otamu ka yiwa ashike konima yehololomadhiladhilo.Momaandaha ga zi ko, aahingi yOotaxi (mwa kwatelwa wo mboka yomOvenduka) oya li ya ningi omahololomadhiladhilo nokugandja oombapila dhawo dhomanyenyeto kOmalelo goondoolopa nokEpangelo, taya indile Oomuni nEpangelo ya ete po omilanduveta dhi li nawa dhi na sha nuunangeshefa wondalasipota moshilongo.”Etsikilo lyomaihumbatonayi ga yamwe yomaahingi yOotaxi mOshilandopangelo, itali ki idhidhimikilwa,” omugandjimulombo gwa Muni gwa Venduka Ndangi Katoma, osho a popi ngaaka momushangwa nguka.Ta ti, eboloko lyoondjila oli indikwa kOveta yElongitho lyOondjila nOndalasipota/Road Transport and Transport Act.Katoma okwa ti ngele aahingi yOotaxi oye na uuthigu wontumba ya hala oku popya, oye na okulandula omilandu dhi li nawa ndhoka dhi li po.”Shika osho kehe omukwashigwana a putuka moshilongo shi na uundemokoli ngashi Namibia e na okuninga, mwa kwatelwa wo aahingi yOtaxi,” Katoma ta popi.Omunashipundi gwOkomitiye yehangano lyOombesa nOotaxi mu Namibia/Namibia Bus and Taxi Association (Nabta) Magnus Nangombe, okwa ti Nabta ota tsu kumwe naashoka tashi popiwa ku Muni.Ta ti, kapu na omuntu e na uuthemba okuboloka ondjila hayi longithwa kaaniihauto ayehe.Kepulo kutya Nabta ota ka ninga Okongresa ye uunake mpoka tapu ka hogololwa iilyo yElelo lyehangano ndika, Nangombe okwa ti shika otashi ka tseyithwa ashike ngele ya mono omayamukulo komaindilo gawo ngoka ya gandjele mOmaandaha goshiwike sha zi ko kOmalelo goondoolopa gi ili nogi ili moshilongo.Konima nee yehololomadhiladhilo lyaahingi yOotaxi mOvenduka, aahingi yOotaxi yamwe (mboka Nabta ta popi kutya kaya li po nopehololomadhiladhilo), oya ka boloka ishewe oondjila hetatu mOshilando, inaya hala yakwawo mboka ya li taya longo ya ninge ngaaka.Nande ongaaka, Nangombe okwa ti aantu mbaka aapiyaganeki ashike molwashoka, pethimbo yakwawo ye li kehololomadhiladhilo, yo oya li taya longo.Osha li sha uvathanwa ngeyi kutya mOlinga otamu ka yiwa ashike konima yehololomadhiladhilo.Momaandaha ga zi ko, aahingi yOotaxi (mwa kwatelwa wo mboka yomOvenduka) oya li ya ningi omahololomadhiladhilo nokugandja oombapila dhawo dhomanyenyeto kOmalelo goondoolopa nokEpangelo, taya indile Oomuni nEpangelo ya ete po omilanduveta dhi li nawa dhi na sha nuunangeshefa wondalasipota moshilongo.