OMUWILIKI gwoPowercom w oku ulikwa a ninge omukuluntuwiliki gwehangano lyokwaandjaganeka uuyelele mombepo lyopashigwana (NBC).
Shika osha tseyithwa mEtitatu koministeli yegandjo lyuuyelele momutumba gwopashigwana, omusamane Tjekero Tweya. NBC okwa tseyitha mEtitatu kutya Similo okwa tegelelwa a ka tameke iilonga mo1 Kotomba nuumvo.
Similo okwa landula Albertus Aochamub, ngoka a ningwa omupopiliko gwombelewa yomupresidente.
Aochamub okwa yelwa omukuluntuwiliki gwo-NBC okuza mo1 Aguste 2010, nopeha lye ngashingeyi opu na omukuluntuwiliki gwoshikondo shoonzo dhopantu mo-NBC, Vezenga Kauraisa, ngoka ta ka yapukila Similo.
Aochamub okwa yi mongundu yaagandjimayele yu ulikwa komupresidente Geingob mombelewa ye.
Similo okwa ti okwa nongela iinakugwanithwa ye iipe nota ka gwanitha po oondjodhi dhoshigwana.
Okwa holola kutya ota ka kwashilipaleka kutya iitopolwa ayihe yoshilongo oya thikwa komakuthiikuthi goTV, ta ti okwa nyanyukilwa iilonga yamboka ye mu tetekele miilonga, ta ti ota ka tsikila mpoka ya hulila.
Similo okwa longele mo-NBC ongomunambelewa omukuluntu. Okwa longa wo ongomuwiliki mehangano lyoondjila moshilongo (RFA), omupopiliko gwomina yaSkorpion Zinc nosho wo gwombaanga yotango yopashigwana (FNB).
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
