Swapo ota sokona iilyo ye oku udha

N GASHIINGEYI uumbanda owa tameka okwiinyenga mokati kiilyo yongundu tayi pangele molwashoka konyala omuntu kehe ta fekelelwa uukwawo wanankali na Hidipo Hamutenya ota undulwa mo mongundu.

Molyomakaya ga zi ko, Hamutenya nayakwawo yalwe mboka ya li nale iilyo yoSwapo, oya li ya tula miilonga ongundu ompe yedhina Rally for Democracy and Progress (RDP). Naantu yamwe mboka ya li ya yambidhidha Hidipo Hamutenya pethimbo lyOkongresa yomumvo 2004, nando nee inaya ndjoina ongundu yoRDP, oye li moshipyu kombinga yoshinima shika.Oyendji yomuyo oya tseyithilwa nale kutya oya kuthwa mo momusholondondo gwiilyo mbyoka tayi ka kala mOkongresa yoSwapo ndjoka tayi ka tameka lwopetameko lyoshiwike tashi ya mOvenduka.The Namibian okwa tseya ngeyi kutya Erasmus ‘Kaptein’ Hendjala haye owala oshilyo shoSwapo sha keelelwa oku ka kala mOkongresa oshiwike tashi ya.Oomayola yaali moondoolopa dhomOnooli moka mu na aayambidhidhi aanene yoSwapo, ookansela yatatu yopaitopolwa nosho wo ookansela yalwe yopaendoolopa mboka ya li aakalelipo yiitopolwa yawo mOkongresa ndjika, oya kuthwa mo momusholondondo gwiilyo mbyoka tayi ka kala mOkongresa – taku popiwa kutya oye na ekwatathano noRDP.Opu na omapopyo kutya oye li iilyo yongundu yoRDP, nenge oya kuta aakwaswapo ya ninge iilyo yoRDP, nenge otaya longele RDP omanga ye li moSwapo pakupoyenyeka omilandu dhoSwapo palombwelo lyomupresidende gwoRDP Hamutenya.Oonzo dhimwe dhoSwapo odha popi ngeyi kutya Amushanga-Ndjayi gwoSwapo Ngarikutuke Tjiriange nOministeli yOomina nIikwankondo Erkki Nghimtina oya yi kOnooli mOmaandaha hoka ya ka tsakanena nookansela dha Helao Nafidi pEenhana.Elalakano lyawo, oku ka ganitha ookansela dhopashitopolwa ngaashi Karlous Max Shinohamba (gwOshikandjohogololo shEenhana), Usco Hiyavela Nambinga (gwOshikandjohogololo sha Helao Nafidi) nosho wo Urias Nghidinihamba Ndilula (gwOshikandjohogololo Engela).Oonzo dhimwe otadhi popi ngeyi kutya mboka yatatu oya li ya pewa ompito yokwiikutha mo momusholondondo gwOkongresa ngele inaya ninga egano lyopaati.Konima sho ya tindi okuninga egano, oya tseyithilwa komutungilo gwopaati pashitopolwa kutya oya kuthwa mo momusholondondo gwiilyo yopaati mbyoka tayi ka kala mOkongresa molwashoka oye na ekwatathano noRDP.Aanambelelwa yaali aakuluntu moSwapo oye ya lombwele wo kutya etokolo lya hugunina lyopaati otaye ke li pewa.Oya shuna esiku tuu ndyoka.Ookansela ayehe yatatu omadhina gawo oga li ga holoka momusholondondo gwopaifundja gwomadhina ge li 20 giilyo yoRDP – ngoka Amushangwa-Ndjayi gwOpevi John Pandeni a popi oshiwike sha zi ko kutya otagu limbilike notagu topola aantu.Omusamane Ngarikutuke Tjiriange okwi ipatana kutya ye ka li ko kOnooli.”Kandali ko, na ishewe kandi na ehalo lyokuya kOnooli,” Tjiriange ta popi ngaaka mOmaandaha.Ashike ohela, Tjiriange okwa dhengele kOshifo shika, ta popi kutya ye ina popya oohapu ndhoka ashike okwa popi kutya, ye ina uka kOnooli esiku ndyoka ashike kOnooli oko a li.Ta ti okwa yo hoka a ka ninge oonkundathana nookansela moshitopolwa sha Ohangwena pwaa na okutotha mo yamwe po ngaashi sha lopotwa mOshifo shika ohela.Amushangwa-Ndjayi gwoSwapo okwi ipatana wo kutya ye ina mona nando omushangwa nenge tutye olopota yi na sha nekutho mo lyaakwaswapo momusholondondo gwOkongresa.”Omitungilo odhi na uuthemba wokukutha mo iilyo momusholondondo molwashoka odho dheya hogolola.Oshi ikwatelela owala kuyo yene okuningulula omusholondondo gwiitopolwa yawo, ashike onda tegelela natango oku dhi mona,” ta popi ngaaka.Ndilula okwa koleke kutya okwa li shili kwa ningwa oshigongi ashike ye kali mo moshigongi shoka.”Kandali po poshigongi shoka sha li sha ningwa pEenhana mOmaandaha.Kandi na naanaa uuyelele wa gwana okukulombwela nenge oku yamukula komapulo goye.Ashike shoka nda uva ku yakwetu, osho owala shoka kutya ka pwali nando oshinima shokushaina omatsokumweuvathano nenge okushaina egano,” Ndilula ta popi ngaaka konima sho a pulwa koThe Namibian opo andola a popye sha omutenya gwOmaandaha.Oonzo dhimwe odha popi ngeyi kutya edhina lya Mayola gwaShakati Katrina Shumbulu olya kuthwa mo wo momusholondondo gwokuya kOkongresa.”Ondili manga moshigongi dhengela ndje konima,” Shimbulu ta lombwele ngaaka The Namibian sho a pulwa a popye sha moshinima shika omutenya gwOmaandaha.Omadhina gookansela yaali mondoolopa yEenhana ngoka ga kuthwa mo momusholondondo ongaashi lya Mayola Medusalem Handjaba na Kansela Hilimemwene Hauliondjaba.Po Tsumeb, ookansela yaali melelo lyondoolopa oya kuthwa mo wo momusholondondo ogwo tuu ngoka – sha ningwa kombelewa yoSwapo yopashitopolwa.Nando nee okwa tindi okukoleka nenge okutinda oshinima shomadhina ngoka, Omuunganeki gwopashitopolwa shoka, Armas Amukwiyu okwa popi owala kutya oya kutha mo shili omadhina gaali momusholondondo gwaantu mboka ye na okuya kOkongresa.Otaku popiwa kutya Libius Thobias na Rebekka Kalola oye na ekwatathano nongundu yoRDP.”Oshinima shika oshomeni, notatu longo nasho meni lyoonkondo dhopaati.Nomolwashoka, inandi hala okuzimina nenge okutinda shoka wa lombwela ndje,” ta popi ngaaka.The Namibian okwa tseya wo ngeyi kutya ookansela yamwe moshitopolwa sha Ohangwena, otaya ningile aalongisikola omatilitho sho taya lombwele aalongwa kombinga yongundu ompe yopapolitika.Aniwa ookansela yoSwapo moshitopolwa shoka otaya ningi iigongi taya lombwele aakwashigwana kutya inaya ndjoina ongundu ndjoka ompe.Oonzo dhimwe odha popi ngeyi kutya ooyene yomikunda yamwe nomalenga gamwe oya ndjoina ongundu ompe noya tsilika nale nokuli omapandela goRDP pomagumbo gawo.Oshinyolwa shika osha shangwa ku Oswald Shivute na Christof Maletsky, e tau tolokwa ku Kalilo M Kambo.Naantu yamwe mboka ya li ya yambidhidha Hidipo Hamutenya pethimbo lyOkongresa yomumvo 2004, nando nee inaya ndjoina ongundu yoRDP, oye li moshipyu kombinga yoshinima shika.Oyendji yomuyo oya tseyithilwa nale kutya oya kuthwa mo momusholondondo gwiilyo mbyoka tayi ka kala mOkongresa yoSwapo ndjoka tayi ka tameka lwopetameko lyoshiwike tashi ya mOvenduka.The Namibian okwa tseya ngeyi kutya Erasmus ‘Kaptein’ Hendjala haye owala oshilyo shoSwapo sha keelelwa oku ka kala mOkongresa oshiwike tashi ya.Oomayola yaali moondoolopa dhomOnooli moka mu na aayambidhidhi aanene yoSwapo, ookansela yatatu yopaitopolwa nosho wo ookansela yalwe yopaendoolopa mboka ya li aakalelipo yiitopolwa yawo mOkongresa ndjika, oya kuthwa mo momusholondondo gwiilyo mbyoka tayi ka kala mOkongresa – taku popiwa kutya oye na ekwatathano noRDP.Opu na omapopyo kutya oye li iilyo yongundu yoRDP, nenge oya kuta aakwaswapo ya ninge iilyo yoRDP, nenge otaya longele RDP omanga ye li moSwapo pakupoyenyeka omilandu dhoSwapo palombwelo lyomupresidende gwoRDP Hamutenya.Oonzo dhimwe dhoSwapo odha popi ngeyi kutya Amushanga-Ndjayi gwoSwapo Ngarikutuke Tjiriange nOministeli yOomina nIikwankondo Erkki Nghimtina oya yi kOnooli mOmaandaha hoka ya ka tsakanena nookansela dha Helao Nafidi pEenhana.Elalakano lyawo, oku ka ganitha ookansela dhopashitopolwa ngaashi Karlous Max Shinohamba (gwOshikandjohogololo shEenhana), Usco Hiyavela Nambinga (gwOshikandjohogololo sha Helao Nafidi) nosho wo Urias Nghidinihamba Ndilula (gwOshikandjohogololo Engela).Oonzo dhimwe otadhi popi ngeyi kutya mboka yatatu oya li ya pewa ompito yokwiikutha mo momusholondondo gwOkongresa ngele inaya ninga egano lyopaati.Konima sho ya tindi okuninga egano, oya tseyithilwa komutungilo gwopaati pashitopolwa kutya oya kuthwa mo momusholondondo gwiilyo yopaati mbyoka tayi ka kala mOkongresa molwashoka oye na ekwatathano noRDP.Aanambelelwa yaali aakuluntu moSwapo oye ya lombwele wo kutya etokolo lya hugunina lyopaati otaye ke li pewa.Oya shuna esiku tuu ndyoka.Ookansela ayehe yatatu omadhina gawo oga li ga holoka momusholondondo gwopaifundja gwomadhina ge li 20 giilyo yoRDP – ngoka Amushangwa-Ndjayi gwOpevi John Pandeni a popi oshiwike sha zi ko kutya otagu limbilike notagu topola aantu.Omusamane Ngarikutuke Tjiriange okwi ipatana kutya ye ka li ko kOnooli.”Kandali ko, na ishewe kandi na ehalo lyokuya kOnooli,” Tjiriange ta popi ngaaka mOmaandaha.Ashike ohela, Tjiriange okwa dhengele kOshifo shika, ta popi kutya ye ina popya oohapu ndhoka ashike okwa popi kutya, ye ina uka kOnooli esiku ndyoka ashike kOnooli oko a li.Ta ti okwa yo hoka a ka ninge oonkundathana nookansela moshitopolwa sha Ohangwena pwaa na okutotha mo yamwe po ngaashi sha lopotwa mOshifo shika ohela. Amushangwa-Ndjayi gwoSwapo okwi ipatana wo kutya ye ina mona nando omushangwa nenge tutye olopota yi na sha nekutho mo lyaakwaswapo momusholondondo gwOkongresa.”Omitungilo odhi na uuthemba wokukutha mo iilyo momusholondondo molwashoka odho dheya hogolola.Oshi ikwatelela owala kuyo yene okuningulula omusholondondo gwiitopolwa yawo, ashike onda tegelela natango oku dhi mona,” ta popi ngaaka.Ndilula okwa koleke kutya okwa li shili kwa ningwa oshigongi ashike ye kali mo moshigongi shoka.”Kandali po poshigongi shoka sha li sha ningwa pEenhana mOmaandaha.Kandi na naanaa uuyelele wa gwana okukulombwela nenge oku yamukula komapulo goye.Ashike shoka nda uva ku yakwetu, osho owala shoka kutya ka pwali nando oshinima shokushaina omatsokumweuvathano nenge okushaina egano,” Ndilula ta popi ngaaka konima sho a pulwa koThe Namibian opo andola a popye sha omutenya gwOmaandaha.Oonzo dhimwe odha popi ngeyi kutya edhina lya Mayola gwaShakati Katrina Shumbulu olya kuthwa mo wo momusholondondo gwokuya kOkongresa.”Ondili manga moshigongi dhengela ndje konima,” Shimbulu ta lombwele ngaaka The Namibian sho a pulwa a popye sha moshinima shika omutenya gwOmaandaha.Omadhina gookansela yaali mondoolopa yEenhana ngoka ga kuthwa mo momusholondondo ongaashi lya Mayola Medusalem Handjaba na Kansela Hilimemwene Hauliondjaba.Po Tsumeb, ookansela yaali melelo lyondoolopa oya kuthwa mo wo momusholondondo ogwo tuu ngoka – sha ningwa kombelewa yoSwapo yopashitopolwa.Nando nee okwa tindi okukoleka nenge okutinda oshinima shomadhina ngoka, Omuunganeki gwopashitopolwa shoka, Armas Amukwiyu okwa popi owala kutya oya kutha mo shili omadhina gaali momusholondondo gwaantu mboka ye na okuya kOkongresa.Otaku popiwa kutya Libius Thobias na Rebekka Kalola oye na ekwatathano nongundu yoRDP.”Oshinima shika oshomeni, notatu longo nasho meni lyoonkondo dhopaati.Nomolwashoka, inandi hala okuzimina nenge okutinda shoka wa lombwela ndje,” ta popi ngaaka.The Namibian okwa tseya wo ngeyi kutya ookansela yamwe moshitopolwa sha Ohangwena, otaya ningile aalongisikola omatilitho sho taya lombwele aalongwa kombinga yongundu ompe yopapolitika.Aniwa ookansela yoSwapo moshitopolwa shoka otaya ningi iigongi taya lombwele aakwashigwana kutya inaya ndjoina ongundu ndjoka ompe.Oonzo dhimwe odha popi ngeyi kutya ooyene yomikunda yamwe nomalenga gamwe oya ndjoina ongundu ompe noya tsilika nale nokuli omapandela goRDP pomagumbo gawo.Oshinyolwa shika osha shangwa ku Oswald Shivute na Christof Maletsky, e tau tolokwa ku Kalilo M Kambo.