Taya tsikile nokusimaneka oonakusa yawo

O SHIGWANA sha Namibia pethimbo ndika oshi li tashi dhana iituthi yenyanyu ngashi mbyoka yOohango, ookili noshowo yomaluhodhi yoosa noshowo iikwawo yokutula omadhidhiliko gomamanya koombila dhaasi, aaholike yawo.

Kakele nee kiituthi mbyoka yoohango, oyindjiyindji moshilongo ashije, unene tuu moNooli, otwa kundana wo moNooli tamu ka kala iituthi iinene iyali yomatuloko gomamanya koombila dhaaholike. Oshituthi shimwe shetuloko lyomamanya koombila, osha kala tashi tseyithwa kOmumbiishofi Omukulu gwa ELCIN, tatekulu Kleopas Dumeni.Tashi ka kala ko meti 26 DesembA 2006 pOmawendo ga Lukekete nopOnawa mOmbalantu mOshitopowla sha Musati, moka AakwaDumeni taya ka tula omamanya koombila dhaaholike yawo.pOlukekete opotundi ontimugoyi yongula mesiku tuu ndjoka nopOnawa opomulongonambali yomutenya.Omundohotola Kalangula naye okwa tseyitha wo etuloko lyOmamanya koombila dhaaholike yawo ngashi kombila ya tate gwe Eliaser Ndatiloshilongo Kalangula, meekulu gwawo Emilia Ndeshiwapeka Mwashongange, Simon Tileinge Kalangula, Kornelia Ndinoshinge Kalangula na Johannes Mhelele.Etuloko lyOmammanya ngaka, otali ka ningilwa momawendo geli momukunda Omalyata-Ongobeyaola popepi nOmungwlume meti 30 Desemba 2006 notali ka tameka potundi ontimugoyi yongula.Kombinga yomauyelele ga gwesdhwa po, Omundohotola Kalangula ota monika konomola 0811274247.Oshi li lela oshiwanawa okusimaneka aasi yetu nokusila oshimpwiyu omagumbo gawo ga hugunina kombanda yevi, ngashi aaholike yakwetu mbaka taye shi ningi.Kalunga ne mu yambeke nOkrisimesa nayi kale ya yambekwa nomumvo omupe gu na elago.Oshituthi shimwe shetuloko lyomamanya koombila, osha kala tashi tseyithwa kOmumbiishofi Omukulu gwa ELCIN, tatekulu Kleopas Dumeni.Tashi ka kala ko meti 26 DesembA 2006 pOmawendo ga Lukekete nopOnawa mOmbalantu mOshitopowla sha Musati, moka AakwaDumeni taya ka tula omamanya koombila dhaaholike yawo.pOlukekete opotundi ontimugoyi yongula mesiku tuu ndjoka nopOnawa opomulongonambali yomutenya.Omundohotola Kalangula naye okwa tseyitha wo etuloko lyOmamanya koombila dhaaholike yawo ngashi kombila ya tate gwe Eliaser Ndatiloshilongo Kalangula, meekulu gwawo Emilia Ndeshiwapeka Mwashongange, Simon Tileinge Kalangula, Kornelia Ndinoshinge Kalangula na Johannes Mhelele.Etuloko lyOmammanya ngaka, otali ka ningilwa momawendo geli momukunda Omalyata-Ongobeyaola popepi nOmungwlume meti 30 Desemba 2006 notali ka tameka potundi ontimugoyi yongula.Kombinga yomauyelele ga gwesdhwa po, Omundohotola Kalangula ota monika konomola 0811274247.Oshi li lela oshiwanawa okusimaneka aasi yetu nokusila oshimpwiyu omagumbo gawo ga hugunina kombanda yevi, ngashi aaholike yakwetu mbaka taye shi ningi.Kalunga ne mu yambeke nOkrisimesa nayi kale ya yambekwa nomumvo omupe gu na elago.