Ehangano leependjela dovanailonga vepangelo ledina Government Institutions Pension Fund (GIPF) ola ti ola futa ovanhu valo ve li vatatu keshe umwe oshimaliwa shi li koshi yoN$1 ongokushunifa oimaliwa yavo yoishoshela yokongulu.
Omukanda wa nyolwa kehangano Etine owa ti ehangano otali ka futa ovanhu valo oshimaliwa shi fike peemiliyona N$118 mokushunifa oimaliwa yavo yoshoshela yokongulu ngaashi epangelo la kala nokupula shiningwe neudo.
Omukulunhuwiliki woGIPF Martin Inkumbi oilyo yoshikefa eshi ovakulupe, ovo hava mono omauwa okudja kovashamane/ovakulukadi vavo ongomauwa avo vene ile ounona.
“Ehangano otali ka futa oshimaliwa shi fike lwopeemiliyona N$118 kovanhu ve li 24 173, ovo tava ka mona oshimaliwa okudja poN$1 fiyo olwopoN$17 000,” Osho a ti ngaho.
Oshimaliwa shoishoshela yokongulu osho tashi shunifwa osha valulwa kwa kwa longifwa omukalo wokutya omunhu okwa nanwa oshimaliwa shotekisa sha pitilila shi fike peni.
“Oshimaliwa osho tashi shunifwa oshe likolela komukalo womwaalu oo wa tala kutya omunhu okwa futa oshimaliwa shi fike peni fiyo onena, omwaalu oo kwa li u na okufutwa koshilyo she likolelela komilandu dotekisa odo dipe nokumona kutya eyooloko oli li peni pokati keemwalu odo mbali, osho tashi eta kutya omunhu ota shunifilwa oshimaliwa shi fike peni,” Inkumbi osho a ti ngaho
Pmunhu ou a futwa oshimaliwa shihapau okwa mona oN$17 000.
Inkumbi okwa ti oshimaliwa eshi otashi futwa Etine la dja ko.
Omupopiliko woGIPF Edwin Tjiramba okwa ti oshimaliwa eshi otashi shinifilwa ashike ovanhu ovo hava mono oshimaliwa keshe efimbo nohava futu oishohsela ngee tava mono oshimaliwa shavo osho.
“Oshimaliwa eshi otashi ka shunifilwa ashike ovanhu ovo va hanga okufuta otekisa, ovo vehe na nande eengudu dehangano lokwoongela oiniwe yepangelo ledina Namra nosho yo kovakwapata voonakufya ovo oimaliwa yavo tai futwa kedu lavo okupitila momhangu yopombada,” Osho a ti ngaho.
Tjiramba okwa opu na ovanhu ve fike lwopo964 itava mono oshimaliwa eshi shaashi ove na eengunga dehangano lokwoongela oiniwe yepangelo ledina Namra.
“Ovanhu ve fike lwopo964 ovo ve na eengunga daNamra itava ka mona nande oshimaliwa eshi ndee ngee ope ya omalunduluko otava pulwa opo va dengele Namra opo a yandje elombwelo lipe kehangano eli, te li lombwe li kaleke ile li ninge elunduluko kombinga yelombwelo lotekisa olo li li po,” Osho a ti ngaho.
Tjiramba okwa ti ehangano otali talulula kutya olyelye ina shunifwa oshimaliwa shaye osho kwa li a nanwa kotekisa shapitilila ashike eshi oshoilyo ashike oyo hai mono oshimaliwa shoulema ovo kwa li va mona ewedelo leepesenda nhatu nosho yo oshimaliwa petameko lodula ei.
“Keshe elunduluko lovanhu ava otali ka ningwa neendjabi daDesemba omudo ou,” Osho a ti ngaho.
Okwa ti oilyo oyo ya hanga okumona oshimaliwa eshi otava ka mona okatumwalaka kopangodi kaxupi ka dja kehangano take va lombwele kombinga yoshinima eshi. Okushunifilwa oshimaliwa shotekisa okwe ya medina lomalunduluko okatendo kotekisa, oo kwa li a tameka okudja muMarsa odula ei.
Omalunduluko okwa li, nande ongaho, a ya ashike moilonga muSeptemba, novafuti votekisa okwa li ashike va tameka okushunifilwa oimaliwa yavo muOktoba.
Omahangano oku na fiyo opexulilo laFebuluali modula tai ya opo a yandje oimaliwa yovanailongo oyo ile ovafuti votekisa ove na okupula oshimaliwa shavo okudja kuNamra momudo tau ya.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
