Yamwe pOmuthiya oya futwa po nale, Kamwi ta popi

A ANTU yamwe mboke ye na omagumbo nomaliko galwe ge li mpoka pu na okutungwa ondoolopa ya Muthiya oya futwa nale, Ominista yUundjolowele nOnkalathano Richard Kamwi, osho a popi mOlyomakaya ga zi ko.

“Konena ndjika, osha pula Elelo lyoshitopolwa sha Shikoto oshimaliwa shOondola oomiliyuna ndatu (N$ 3 million) okufuta aantu mboka ya gumwa,” Kamwi ta popi ngaaka, ta tsikile ko kutya, efuto lyaantu mboka ye na okutembuka otali tsikile. Kamwi shika okwe shi popi pethimbo a li ta popi poshigongi shongundu yoSwapo shoka sha li pOmuthiya mOlyomakaya ga zi ko.Okwa ti Elelo lyoshitopolwa sha Shikoto olya li wo lya kwatela komeho etungo lyOombelewa dhoshitopolwa shalyo, Oombelewa dhElelo lyondoolopa nOshinyanga shAagundjuka.Minista Kamwi okwa ti opwa ningwa wo oshindji mokunkondapeka Epangelo lyopashitopolwa sha Shikoto, ta totha mo etungo lyoombelewa dhiikandjohogololo moshitopolwa shika.Ta ti, omahala ngashi Onethindi, Onayena nOshivelo nago ga ningwa wo uumukundandoolopa.Kamwi okwa ti ayihe mbika oya ningwa po omolu ombili nonkalonawa ndjoka ya etwa po kEpangelo lyoSwapo ndyoka lya kalapo okuza pemanguluko.Momasiku 29 gomwedhi nguka, mOmuthiya otamu ka ningwa omahogololo gokuhogololo iilyo yElelo lyondoolopa ndjika.Omaishangitho oga tameke mOmaandaha pOmuthiya mpoka nokwa tegelelwa ga ka hule mEtitano.Ehangano lyUuthemba wOmuntu lyopashigwana mu Namibia olya kondema omauliko gaanambelewa mboka taya shangitha aakwashigwana mboka taya ka kutha ombinga momahogololo pOmuthiya.Kamwi shika okwe shi popi pethimbo a li ta popi poshigongi shongundu yoSwapo shoka sha li pOmuthiya mOlyomakaya ga zi ko.Okwa ti Elelo lyoshitopolwa sha Shikoto olya li wo lya kwatela komeho etungo lyOombelewa dhoshitopolwa shalyo, Oombelewa dhElelo lyondoolopa nOshinyanga shAagundjuka.Minista Kamwi okwa ti opwa ningwa wo oshindji mokunkondapeka Epangelo lyopashitopolwa sha Shikoto, ta totha mo etungo lyoombelewa dhiikandjohogololo moshitopolwa shika.Ta ti, omahala ngashi Onethindi, Onayena nOshivelo nago ga ningwa wo uumukundandoolopa.Kamwi okwa ti ayihe mbika oya ningwa po omolu ombili nonkalonawa ndjoka ya etwa po kEpangelo lyoSwapo ndyoka lya kalapo okuza pemanguluko.Momasiku 29 gomwedhi nguka, mOmuthiya otamu ka ningwa omahogololo gokuhogololo iilyo yElelo lyondoolopa ndjika.Omaishangitho oga tameke mOmaandaha pOmuthiya mpoka nokwa tegelelwa ga ka hule mEtitano.Ehangano lyUuthemba wOmuntu lyopashigwana mu Namibia olya kondema omauliko gaanambelewa mboka taya shangitha aakwashigwana mboka taya ka kutha ombinga momahogololo pOmuthiya.